തിരുവനന്തപുരം: ടൂറിസം മേഖലയിൽ വനിതകൾക്കു വ്യക്തിഗത സംരംഭങ്ങൾ ആരംഭിക്കുന്നതിനായി നാലു ശതമാനം പലിശ സബ്സിഡി നൽകുന്ന ഇന്ററസ്റ്റ് സബ്വെൻഷൻ പദ്ധതി നിലവിൽ വന്നു.
സംസ്ഥാന വനിതാ വികസന കോർപറേഷനുമായി ചേർന്നു ടൂറിസം വകുപ്പിനു കീഴിലുള്ള കേരള റസ്പോണ്സിബിൾ ടൂറിസം മിഷൻ സൊസൈറ്റിയാണ് (കെആർടിഎംഎസ്) പദ്ധതി നടപ്പാക്കുന്നത്.
രാജ്യത്തെ വിനോദസഞ്ചാര മേഖലയുടെ ചരിത്രത്തിൽ ആദ്യമായിട്ടാണു വനിതാ സംരംഭകർക്കായി ഇത്തരമൊരു പദ്ധതി നടപ്പാക്കുന്നത്.
നിലവിൽ കെആർടിഎംഎസിൽ രജിസ്റ്റർ ചെയ്തവർക്കും പുതിയതായി രജിസ്റ്റർ ചെയ്യുന്നവർക്കും ടൂറിസം സംരംഭങ്ങൾ ആരംഭിക്കുന്നതിനായിട്ടാണ് വായ്പ നൽകുക. വായ്പാ തുക എത്രയായാലും പരമാവധി 15 ലക്ഷം രൂപ വരെയാണ് നാലു ശതമാനം പലിശ സബ്സിഡി ലഭ്യമാകുക.
E-paper LOGIN
LOGIN